Barnekonvensjonen er ein avtale mellom nesten landet i alle verda som vernar rettane til alle barn - derfor blir han ofte berre kalla Barnerettighetene eller Barns rettar.

Her er ein barnevennleg versjon av konvensjonen:

1. Alle som ikkje har fylt 18 år er barn.

2. Barnekonvensjonen gjeld for alle barn – uansett kvar dei kjem frå, kva religion dei har, kva kultur dei tilhøyrer, kva språk dei snakkar, kva farge på huda dei har, om dei er gut eller jente, eller om dei har funksjonshemningar.

3. Staten skal ha reglar som vernar barn, og staten må høyra på barn i saker som gjeld dei.

4. Politikarane i landet barnet bor har ansvaret for at alle barnerettane gjeld i landet deira.

5. Vaksne skal passa på at barnerettane blir overhaldne.

6. Alle barn har rett til å leva og å ha det bra.

7. Alle barn har rett til eit namn og ein nasjonalitet.

8. Staten skal respektera familien til barnet, namn og nasjonalitet.

9. Alle barn har rett til å leva saman med foreldra viss dei har det godt saman med dei.Viss dei ikkje har det godt, skal staten hjelpa dei å finna ein ny familie.

10. Alle barn har rett til å bli gjenforeina med familien sin dersom dei bur i ulike land.

11. Alle barn har rett til å ha kontakt med begge foreldra sine.

12. Staten skal passa på at ingen barn blir kidnappa.

13. Alle barn har rett til å seia meininga si og å bli høyrd i saker som gjeld for dei.

14. Alle barn har rett til å få informasjon om saker som gjeld for dei.

15. Alle barn har rett til å tenkja og tru det dei ønskjer.

16. Alle barn har rett til å vera med i organisasjonar.

17. Alle barn har rett til privatliv.

18. Alle barn har rett til å sjå og høyra på nyheiter som er tilpassa dei.

19. Alle barn har rett til omsorg.

20. Ingen har rett til å skada eit barn.

21. Alle barn har rett til å føla seg trygge og til å få vern.

22. Adopsjon av barn kan berre skje under strenge reglar.

23. Barn på flukt har rett til å få hjelp uansett kvar det er. Barnet har òg rett til å bli gjenforeina med foreldra sine.

24. Barn med spesielle behov har rett til tilrettelegging som gjer at dei kan leva eit godt og aktivt liv.

25. Alle barn har rett til eit sunt liv og god helse.

26. Staten skal passa på at barn som bur på institusjonar, som til dømes sjukehus og barneheim, har det godt der.

27. Alle rett til å få den hjelpa, og dei pengane dei har krav på, etter lovene i landet.

28. Politikarane i landet barnet bor har ansvar for å gi barn det dei treng, viss ikkje dei får det av foreldra sine.

29. Alle barn har rett til ei god utdanning. Utdanning skal vera gratis.

30. På skulen skal alle barn læra om respekt for menneskerettar, rettane til barn og for naturen.Dei skal læra gode haldningar om fred og om å ha respekt for kvarandre.

31. Barn av minoritetar og urfolk har rett til å behalda kulturen, religionen og språket sitt.

32. Alle barn har rett til fritid og leik.

33. Alle barn skal vernast frå farleg barnearbeid. Barn har ikkje lov til å arbeida i staden for å gå på skulen.

34. Alle barn skal vernast frå narkotika.

35. Ein vaksen person har ikkje lov å gjera ting med kroppen til eit barn som barnet ikkje vil.

36. Det er ikkje lov å selja eit barn.

37. Alle barn har rett til vern mot det som kan øydeleggja for at barnet skal veksa opp til å bli ein trygg og frisk ungdom, og etter kvart vaksen.

38. Det er ikkje lov å torturera eit barn. Viss eit barn må i fengsel, må det behandlast godt.

39. Alle barn skal vernast mot krig. Eit barn skal aldri vera soldat.

40. Staten skal hjelpa barn som har opplevd vonde ting.

41. Staten skal hjelpa barn som gjer ulovlege ting, heller enn å straffa dei.

42. Viss staten har lover som er betre for barn, gjeld alltid dei beste lovene.

43. Staten skal sørgja for at både barn og vaksne lærar om rettane til barn.